Estivada

Despuish 12 ans, l’associacion Org&Com que s’implicava aus costats deus artistas d’expression occitana entà perpausar l’eveniment l’Estivada a Rodés. Lo temps d’ua setmana au mes de julhet, la vila que vad la capitala deus País d’Òc, veirina de l’actualitat de la creacion artistica, literària, poetica occitana, lòc e moment d’encontre deus publics, deus militants e deus elegits de totas aquestas Regions. La mairia de Rodés que desira uei lo dia tornar préner l’organizacion en « regia dirècta ». Jean-Claude Decobecq, president d’Org&Com que declara dens un comunicat : « Com professionaus, qu’estom urós de miar la nosta contribucion pendent dètz ans au succès d’aquesta beròja iniciativa e au raionament deu hestau, de la soa vila e de la cultura occitana. Com ciutadans e com occitanistas, qu’esperam que la mairia e seguirà aquesta accion, que responerà a l’atenta d’aquestes divèrs publics, e que perseverarà dens la volontat d’atirar populacions pluraus e de har descobrir enqüèra navèths artistas au public lo mei larg dens un acamp tostemps hestiu ». Danís Chapduelh que tribalh a l’organizacion e a la programacion deu hestau occitan e que’ns balha lo son sentit sus l’ahar :