Carnaval Biarnés 2016

Diluns lo 11 de genèr, lo navèth CA deu Carnaval Biarnés (Pau) que hasó ua purmèra conferéncia de premsa entà presentar l’esperit de l’edicion 2016 a la mairia de Pau en preséncia deu maire, deu cargat a la cultura Jean Lacoste et de Michel Bernos de la Comunautat d’aglomeracion de Pau-Pirenèus. Vincenç Javaloyes que presentè ua edicion originau, abracada en 4 dias e plea de nautats. Segon eth, organizar un tau eveniment en pas sonque 4 mes ei ua vertadèra batalha, totun dab aqueste cambiament l’equipa que guarda l’eretatge e l’arrespecte qu’an peus ainats. Los temps tradicionaus (la Pantalonada, lo Har córrer, o enqüèra lo jutjament e la cremacion de Sent-Pançard) qu’i seràn.
Lo co-president que responó a las questions de Joan-Nadau Commères de Ràdio País.

Carnaval Vincenç Javaloyes e François Bayrou pertocant lo Carnaval Biarnés 2016 lo 11 de genèr passat.

Carnaval Vincenç Javaloyes e François Bayrou pertocant lo Carnaval Biarnés 2016 lo 11 de genèr passat. (©La Setmana)

 

 

Lo site deu Carnaval Biarnés edicion 2016 : www.carnavalbiarnes.com

Facebook : www.facebook.com/CarnavalBiarnes/?fref=ts