vila de Rodés

L’Assemblada nacionala occitana qu’ei oficiaument creada despuish lo 20 de heurèr passat. L’objectiu qu’ei d’amassar las fòrças vivas de la societat occitana (organizacions culturaus, associacions, collectius, partits politics…) entà poder har reconéisher la nacion occitana dens la soa pluralitat lingüistica e culturau e har préner consciéncia au pòble occitan qu’i pòden apartiéner. La volontat de crear condicions politicas e sociaus necessàrias tà l’establiment e la constitucion d’ua entitat territoriau occitana pròpia que hèn partida deus objectius.

Actuaument, que son 11 fondators e un centenat de simpatizants. A l’acamp qui arriba (enter abriu e lo mes d’agost) que van estudiar las condicions d’adesion, lo reglament interior e definir lo còst de cotizacion e ad aqueste moment, que començaràn a convidar monde. Que hasón tres acamps consultatius. Lo purmèr a Rodés en julhet passat, profieitant deu hestau de l’Estivada, en octobre a Montpelhièr pendant la manifestacion tà la lenga nosta e en noveme a Marselha.

Ciril Joanin qu’ei secretari de l’Assemblada e que’ns ditz mei sus las tòcas de l’ANOC, au micro de Fanny Lartigot de La Setmana :