Fòto Ligams

Ligams, navèra associacion de Bearn e Baish-Ador qui a per tòca de crear ligams enter los actors de la transmission de l’occitan, e’s lança dens lo desfís d’apitar un eveniment esportiu deu medish endom que la Korrika au Bascoat. L’objectiu purmèr : amassar moneda tà las calandretas. Lo projècte que’s deveré concretizar fin de 2017.
Lo 10 de noveme, lo purmèr acamp qu’èra organizat a la Maison de las Associacions bearnesas, l’Ostau Bearnés. Un quarantenat de personas que s’èran amassadas, interessadas peu projècte qui èra dejà estat discutit enter los uns e los autes.

Daniel Barneix e Hélène Barrère que son los co-presidents de Ligams. Lo sénher Barneix que presentè l’associacion e lo son prètzhèit au micrò de Joan-Nadau Commères de Ràdio País :

Lo jornau La Setmana que contactè a Yan Larradet, dinerèr de l’associacion. Que trobaratz l’article ací : http://lasetmana.fr/fr/entry/lassociacion-ligams-que-sinspira-deus-bascos