IMG_4411

Divés ser que’s debanè l’aviada oficiau d’Hestiv’Òc despuish l’Estadi Tissié, ua purmèra tà la 13au edicion. Escotam Bertrand Pémoulié, benevòle de tostemps, Charline Claveau-Abbadie, cargada de las lengas e culturas regionaus, qui representava Alain Rousset tà la Region Navèra Aquitania, e plan segur lo maire de Pau, François Bayrou :

 

Qu’escotam las reaccions de François Bayrou, maire de Pau e Jean-Paul Brin, adjunt au maire, arron l’obertura deu hestenau de las culturas deu sud. Que balhan lo lor sentit sus aquera purmèra dens lo navèth lòc e qu’evocan los atemptats qui’s debanèn lo dia abans a Barcelona :

 

Qu’ei hèit, l’obertura oficiau d’Hestiv’Òc que’s hasó despuish l’estadit Tissié davant ua horra compacta. Qu’escotam au Didier Fois, qui dirigí la grana Cantèra tradicionau d’obertura e Crestian Josuèr, musicaire programat augan e qui acompanèh la Cantèra sus l’empont :

 

Despuis 13 ans, la Federacion de las Calandretas qu’ei presenta a Hestiv’Òc entà perpausar, via lo lor taulèr, crespèras e chuc de pomas. Pairs d’escolans que’s relaiavan au taulèr pendent tres dias, lo parat tanben de har la promocion de la lor activitat e de parlar de l’obertura de la navèra Calandreta a Espoei, au ras de Somolo en Bearn, qui aubrirà las soas pòrtas a la rentrada de seteme :