Logo-Espoey-02
la-cgt-se-felicite-des-3-700-signatures-recueillies   (crèdit FÒTO S. PÉCANTÉ (SUD-OUEST)

Au mes de genèr passat, lo gavidaire deu centre espitalèr de Pau qu’anonciè voler har pagant lo parcatge de l’espitau. Ua volontat aprovada peu maire de Pau, François Bayrou, au moment de l’inauguracion deu Centre Vignalon (medecina geriatrica). Aqueth moment generau qui vòu que tots los parcatges de la vila e vadan pagants que contunha de destorbar los ciutadans.

Segon la CGT, l’espitau qu’ei un servici public pagat peus nostes impòsts e que deveram pagar 2 còps e quan devetz anar visitar a un malaut cada dia, que vad rapidament un investiment.

Ger ser, militants de la CGT juntat per un sindicat deus factors retirats, qu’èran davant las tres entradas deu hestenau Hestiv’Òc, a l’estadit Tissié, entà har enténer la lor votz e har signar ua peticion qu’an lançat chic de temps arron l’anóncia. Ua peticion en linha qu’ei tanben disponibla suu site www.mesopinions.com.

Georges Portugal, representant de la seccion CGT deus retirats qu’èra sus plaça e que’ns balhè entresenhas mei :

 

 

ob_73573e_conseil-municipal-1-28-03-2014 Jordi Hostein, professor d'occitan a Pontac

A la rentrada de 2017, la Calandreta d’Espuei qu’aubrirà las soas pòrtas dens aqueth vilatge au ras de Somolon, arron… un an de tribalh ! Un an de tribalh deus hòus realizat per pairs de futurs calandrons dab l’ajuda de la Federacion Calandreta deus Pirenèus-Atlantics.

Jordi Hostein qu’ei professor d’occitan a Pontac e qu’ei vadut gavidaire de l’associacion « Drin a Drin », tà sostiéner l’escòla immersiva. A quauques dias de la rentrada, l’escòla qu’accèpta tostemps las inscripcions (quitament en cors d’annada).

Que’u convidem suu platèu divés mieidia entà’ns balhar novèlas de la construccion de la Calandreta e nos parlar de la futura regenta :

Inf. : Facebook Calandreta d’Espuei / Site : www.calandreta-espoey.fr

 

une-mousse-tiede-et-malodorante-a-ete-reperee-dans-le-gave-la-semaine-derniere

Per aquestes torns, lo Gave de Pau que hè l’objècte de divèrsas pollucions. Ua hanga nauseabonda que flotava a la susfàcia deu fluvi. 

Qu’ei un joen qui hasó la descobèrta pendent ua virada en caiac au mes de julhet. L’enterpresa hicada en causa : l’usina Candia. Los regets que vienèvan de l’estacion d’epuracion de l’usina, situada a quauques quilomètres de l’endret polluit. 

Stéphane Alleaume, que s’exprimí com un simple ciutadan, a perpaus de la cituacion. Que creè au mes d’agost ua pagina Facebook entà informar los paulins sus la situacion.