capture-d_c3a9cran-2017-06-01-c3a0-13-12-39

 

Dijaus ser, dens l’encastre D’un été à Pau e d’Hestiv’òc, l’associacion Conta’m, qu’organizè tà la 6au annada de reng, ua projeccion deu son tribalh a l’airejada. Quan las annadas passadas, l’eveniment que’s debanava plaça deu Bearn (Clémenceau), augan, ua purmèra, que s’installè au tot navèth barri deu Hedàs.

Qu’èra lo filme « Paddington » (2014) qui estó causit. Ua comedia anglesa qui conta l’istòria d’un joen ors, arribat dens la capitala anglesa, qui’s hica en cèrca d’ua familha e d’ua vita mei bona. Qu’encontra a la familha Brown qui s’estaca rapidament au Paddington.

Drin mei de 320 espectators, pichons e grans, qu’assistín a la projeccion, segon los organizators. Ludovic Gillet, gavidaire de la societat bearnesa Conta’m, qu’èra present com tot an ad aqueth eveniment que qualifica d’escaduda. Que’ns balha lo son sentit sus la serada e l’actualitat de Conta’m dab las divèrsas sortidas de DVD e los tribalhs de doblatge en cors :

 

 

Dàvid Cabanné de Radio Auloron que recuelhó quauquas reaccions d’espectators escahits per la projeccion :